中移 4.5G 計劃

中移香港最新出既4.5G 係融合 TD-LTE + FD-LTE 既網絡,同 CSL FD-LTE + FD-LTE 唔同,所以要手機要支援 LTE cat9 同埋 FDD 既手機,例如 samsung S7 、LG v20,iphone7 就好似唔支援,唔明中移點解推 i7…..

價格來講 $398 用到 50G 其實當 4G 咁用都好好玩 (不過3台有個4G 無限 4XX)

1.JPG

速度方面好普通… (資料來源: Ring香港)

後話:中移其實網絡點快都係假,因為太多人用通話質素一直唔掂,唔咳執執佢先。

4G 真‧無限?

最近訪尋多間網絡商為左搵4G 無限plan 可以用wifi 蛋/4G router/手機共享等。大多數公司都冇無限plan,HKBN 有一個10G 計劃但10G之後可能會降速而且唔可以share。3台就有一個真‧無限既 4G 計劃,任用冇任何限制,簽二年每月$436,如果本身係3用戶可以做到 $33X (唔記得實數)!都幾抵玩。

二間Wi-Fi網絡設備商 Aruba & Ruckus

Aruba 同 Ruckus 可以話好多企業、學校最熟識的二個牌子,但原來呢二個牌子就我所認識由開始時係完全唔同既產品。

Ruckus 開始時只著重"覆蓋",佢係內置天線設計 beamforming 既始租(依家變左 802.11ac 既一部份),的而且確覆蓋會更好從而減少AP 既數量。但發展到中段冇咩改變過,只係加左controller (無線中央控制)。

Aruba 開始時沒什麼特別功能性產品,都係 controller 系統,後來雲端開始起步,佢就發展左簡單 aruba instant 呢種雲端控制模式(其實係自動搵一隻AP做controller) 減免左 controller硬件+license 既具大成本,爭回了不少人既歡心。到左依家賣左比HP 其實睇左新片都唔覺得佢有咩新技術新發展,真係同 HP一樣…..咁悶。

 

Ruckus 呢?雖然二度轉手,但無影響發展綜合網絡產品,講白D就係佢既 Wi-Fi AP 將來亦會內置埋電話既小型基站 (small cell),一間Wi-Fi 生產商去攪 LTE 真係好突破 (好 LIKE 呀,我之前仲諗緊邊間 TELCO 會出埋 Wi-Fi 產品呢,點知掉轉左,真係比佢嚇親)。

講下將來5G,睇我其他文應該見到 5G 會用超超超高頻率 (XX GHz),呢d 頻率根本穿唔到牆,所以先有 small cell 既概念,即係好似Wi-Fi 咁放到周圍都係先得,所以產品能夠包括 5G + Wi-Fi 就係大有可為啦 ~.~。