Free Wi-Fi 問題探討(一)

大家都知道免費 Wi-Fi 唔安全,但到底有幾唔安全?有幾危險?家用、商用、各行業點樣改善問題呢?我地會一齊採討下。今集先講講問題:

(一)大氣傳送: Wi-Fi 透過大氣傳送,所以理論上如果可以接收到無線訊號就可以拆解及攞到當中有用既部份,如果大氣傳送前先進行加密 (無線部份,即大家熟識既 WPA/WPA2)就會安全得多。但很多免費Wi-Fi 為了方便用戶連接都唔會加密,所以用戶大氣傳送資料容易被盜,例如D 冇加密網站既 login 、冇加密既電郵系統登入等等,以下影片是利用免費簡單好用既工具"偷睇"網絡傳送時既資料:

由於任何人都可以連接免費Wi-Fi ,所以黑客冇必要花功夫係大氣竊聽資料,直接連接網絡經網絡進行各種攻擊更加方便直接啦!

(二) 網絡連線:其實 Wi-Fi 連接性質上同插LAN 線係一樣,亦即係可以共享檔案、印表機、傳病毒 (eg. wannacry)及黑入系統等等,特別是 WINDOWS 及 ANDROID 機因為漏洞太多,加上用戶冇足夠意識保護,令到問題非常嚴重。香港有九成多免費 Wi-Fi 用戶與用戶之間係零阻隔,黑客可以隨時隨地連接及攻擊你既手機及電腦,就好似坐你隔離用條線插入你部機一樣!

下面簡單舉一個例,利用免費 apps “Fing" 掃瞄一下Wi-Fi 網絡就已經見到 230 部各種設備,而只係佔整個網絡1%左右,可想而知用一部唔安全既設備連接唔安全既網絡有幾危險…….

IMG_0463.PNG

以下影片見到一部android 被黑了用來影相 (07:00)

 

(三) 網絡質素:由於是免費的關係,有好多Wi-Fi 都吸引一大堆人使用,加上沒有直接利潤,商人都唔會投資太多搞好基建,所以一大堆連線問題例如慢、斷線等。用家用唔到其實唔會投訴(始終是免費),但其實對商家變相減分降低商譽啦,整左仲衰過唔整。

(四) 上網內容:由於大部免費Wi-Fi唔需要確定用家身份,加上提供者冇加入免責條款等,所以基本上用家就算用 Wi-Fi 來犯法都好難追查,亦難以保障提供者。

岩岩日劇做緊犯人用東京地鐵Wi-Fi 傳送訊息,警察只可以知道係邊個站發出,但就唔知邊個位置,加大執法難度。Wi-Fi變成很好既犯案工具!