關於IOS 10.3 wi-fi portal 沒有彈出問題

最近發覺用出面免費 wifi 唔會直接彈出登入網頁等,原來呢個問題 IOS10.3.1 已經有,10.3.2 並冇改善,相信要等APPLE 下一個版本甚至係 IOS11。

今日特登係不同地方測試,發現全部都要"手動"先會開到登入網頁,"手動"意思係用 safari 開是但一個網頁,但要係 http 開頭 (唔可以 https),例如 http://www.youtube.com   (唔係 https://www.youtube.com)!!

IMG_1098.PNG

有它就不再怕router幅射

有時候我地唔再需要舊router既無線功能,但仍然開住當switch/hub/NAS 咁用。雖然軟件入面關左無線功能,但十之八九路由器仍然繼續發出無線電,唔單止影響其他路由器既無線效能仲有機會影響健康。呢個時候你需要terminator:

上圖中有三個金金地色既就係terminator,佢將無線射頻轉化成熱能,所以摸落去係熱既,但就唔再有射頻發出。

超好用,Wi-Fi 密碼即時傳比你唔使打

以前IOS大家都未必即刻升級,但今次IOS11 改變實在太多太實用,我一定即時升來玩!

今次講既係佢既 share wifi 密碼功能,假設有一朋友去左你屋企想用你Wi-Fi,但因為你密碼太長太複雜唔記得唔通要重設?唔使!只要大家都係用緊IOS11,當部機要你打password果時,就會傳過request比附近其他開緊冇鎖定畫面而又用緊IOS11既機,好似上圖咁,咁你"send password" 就搞掂。

唔好問我其他機其他版本得唔得呀!

P.S. 暫時覺得有安全考慮,出街要關左呢個功能唔使比人"彈"

二間Wi-Fi網絡設備商 Aruba & Ruckus

Aruba 同 Ruckus 可以話好多企業、學校最熟識的二個牌子,但原來呢二個牌子就我所認識由開始時係完全唔同既產品。

Ruckus 開始時只著重"覆蓋",佢係內置天線設計 beamforming 既始租(依家變左 802.11ac 既一部份),的而且確覆蓋會更好從而減少AP 既數量。但發展到中段冇咩改變過,只係加左controller (無線中央控制)。

Aruba 開始時沒什麼特別功能性產品,都係 controller 系統,後來雲端開始起步,佢就發展左簡單 aruba instant 呢種雲端控制模式(其實係自動搵一隻AP做controller) 減免左 controller硬件+license 既具大成本,爭回了不少人既歡心。到左依家賣左比HP 其實睇左新片都唔覺得佢有咩新技術新發展,真係同 HP一樣…..咁悶。

 

Ruckus 呢?雖然二度轉手,但無影響發展綜合網絡產品,講白D就係佢既 Wi-Fi AP 將來亦會內置埋電話既小型基站 (small cell),一間Wi-Fi 生產商去攪 LTE 真係好突破 (好 LIKE 呀,我之前仲諗緊邊間 TELCO 會出埋 Wi-Fi 產品呢,點知掉轉左,真係比佢嚇親)。

講下將來5G,睇我其他文應該見到 5G 會用超超超高頻率 (XX GHz),呢d 頻率根本穿唔到牆,所以先有 small cell 既概念,即係好似Wi-Fi 咁放到周圍都係先得,所以產品能夠包括 5G + Wi-Fi 就係大有可為啦 ~.~。